]أنه عندي دموعي كلش غاليات
ومايرخصن الا يمك يهاني
واغله واحد انته والوادم وراك
وحالي من تروح يكره حالي
ولذلك من بجيت انه عليك
عيون طاحت مو دموع كبالي
من رحت مني وخذت روحي ومشيت
عالأقل جا رجّعت دلالي
وجا كلت مسكين خل أعطف عليه
وخل أعذره ابوي الغالي
انه ردت اولهم بكلبك اصير
عمي مو اول أصير التالي
وانه من عنبك ردت ماحصليت
عاد نعم الله من احصل اسلالي
انته مو مالي وخذت روحي ومشيت
شراح تاخذ كون صاير مالي
كلي تاخذني الك مني وتروح
وانه ارد للبيت منك خالي
روحي ركبه تصير لو صرتلها سيف
وبين اديك الموت هم يحلالي
شبيك متعجب طحت يمك جتيل
هوه غير انته الصرت جتالي
لو ردت من بالي اشيلك مستحيل
انته بالي يصير اشيلن بالي
الموت والفركه سوه الوادم تكول
انه اكول الفرقه والله اشوالي
شبيها مدري شمالك الوادم تكول
انه لو ادري اكول شمالي
جان حمل الدنيه لو فوكي يطيح
ما أشيله انه تشيله انت يغالي
هسه وين افراكك شخلالي حيل ؟؟
زين كد شيل الهدم خلاالي
انته حسبالك نسيتك والسلام
انه بعد الصار هم حسبالي
حسبت غيرك يجي ويمه استراح
والف مو واحد اجه شسوالي
هواي مدولي الحبل لجل الوصال
وانه يم وصلك امد احبالي
رحت يم قبرك واصيح بصوت
هاني ولك هاني ولك هاني
ارحم ابوك وخل اشوفك يوم
ترى والله يهاني الموت يبرالي
صرت شاعر يوليدي من فرقاك
وصرت انظم قوافي النوب لاشعاري
......................
ويبقى الالم والجرح عميقا ولن يندمل الا بلقاء المحبوب مع حبيبه ولن يهدأ هذا القلب الحزين ابدا ابدا ابدا